सरकार लक डाउनतर्फ जाँदै छ: ईश्वर पोखरेल - Khabar Nepali
  • सोमबार, चैत १७, २०७६

सरकार लक डाउनतर्फ जाँदै छ: ईश्वर पोखरेल

सरकार लक डाउनतर्फ जाँदै छ: ईश्वर पोखरेल

 

नोबल कोरोना रोकथाम तथा नियन्त्रणसम्बन्धी उच्चस्तरीय समन्वय समितिका संयोजकसमेत रहेका उपप्रधानमन्त्री पोखरेलले  शुक्रबार बिहानै प्रधानमन्त्री केपी शर्मा ओलीलाई भेटेर हालसम्मको अवस्थाबारे जानकारी गराएका थिए ।

बुधबारको बैठकबाट एसईई स्थगनलगायतका महत्वपूर्ण निर्णय लिएका पोखरेलले विभिन्न मन्त्रालय तथा निकायहरुबाट निर्णय कार्यन्वयनको अनुगमन रिपोर्ट समेत लिइरहेका छन् । भारतसँग परराष्ट्रमन्त्री प्रदीप ज्ञवालीले केही समयका लागि सबै सीमानाका बन्द गर्नेबारे छलफल गरिरहेका छन् ।

प्रधानमन्त्रीले संक्रमणबाट मुलुकलाई जोगाउने सन्दर्भमा कुनै कमजोरी हुन नदिन पोखरेललाई निर्देशन दिएका छन् । कोरोनाविरुद्धको लडाइमा मुलुकको नेतृत्वको गरिरहेका उपप्रधानमन्त्री पोखरेलले शुक्रबार साँझ उच्चस्तरीय समन्वय समितिको बैठक राखेर थप निर्णय गर्ने सम्भावना रहेको स्रोतले जनाएको छ ।

विमानस्थल र सबै सीमानाका बन्द गरेर बाहृय आवागमन रोक्न सबैतिरबाट सुझाव आएपछि सरकार पूर्ण रुपमा मुलुकलाई लक डाउन गर्ने दिशामा जान लागेको उच्च स्रोतले जनाएको छ । त्यस्तै सर्वसाधारणको भिडभाड र मास मोबिलाइजेशन रोक्न अत्यावश्यक सेवा बाहेकका कार्यालय र सार्वजनिक यातायातहरु बन्द गर्नेबारे पनि छलफल भइरहेको छ ।

सम्बन्धित खवर